Дагдскі край
| Дагдскі край | ||||
|---|---|---|---|---|
| лат.: Dagdas novads | ||||
 | ||||
|
||||
| Цэнтр: | Дагда | |||
| Плошча: | 948,8 км² | |||
| Насельніцтва: | 8286 | |||
| Шчыльнасць: | 8,73 чал./км² | |||
| Старшыня думы: | Віктарс Стыкутс | |||
| Тэрытарыяльныя адзінкі: |
||||
| Сайт | www.dagda.lv | |||
Да́гдскі край (лат.: Dagdas novads) — адміністрацыйна-тэрытарыяльная адзінка на поўдні Латвіі ў вобласці Латгалэ. Край складаецца з дзесяці валасцей і горада Дагда, які з'яўляецца цэнтрам края.
Геаграфія
[правіць | правіць зыходнік]Край размешчаны на паўднёвым усходзе рэспублікі. На захадзе мяжуе з Агланскім краем, на паўночным захадзе — з Рэзэкненскім краем, на поўначы — з Лудзенскім, на паўночным усходзе — з Зілупскім, на поўдні — з Краслаўскім краем, на ўсходзе — з Верхнядзвінскім раёнам Віцебскай вобласці Беларусі. Мяжа з Беларуссю амаль поўнасцю праходзіць па рэках Сар’янка, Сінюха (Зілупэ), Асуніца, Акціца і Тоўша.
Гісторыя
[правіць | правіць зыходнік]Першапачаткова тэрыторыя края падпарадкоўвалася Лівонскаму ордэну.
Пасля заканчэння Лівонскай вайны ваколіцы сучаснай Дагды апынуліся ў складзе Інфлянтаў — асаблівай адміністрацыйна-тэрытарыяльнай адзінкі пад уладай ВКЛ, якая пасля заключэння Люблінскай уніі стала кандамініумам Кароны і ВКЛ. З 1621 года ў выніку перайменавання тэрыторыя сучаснага Дагдскага края патрапіла ў адпаведнае ваяводства.
З 1772 года ў выніку Першага падзелу Рэчы Паспалітай тэрыторыя адзінкі была падзелена паміж Дынабургскім (пазней перайменаваны ў Дзвінскі) і Рэжыцкім паветамі Беларускай губерні (пазней перайменавана ў Віцебскую).
18 лістапада 1918 года з набыццём Латвіяй незалежнасці край стаў часткай Латвіі. Край быў утвораны 1 ліпеня 2009 года ў выніку латвійскай адміністрацыйна-тэрытарыяльнай рэформы з часткі Краслаўскага раёна.
Насельніцтва
[правіць | правіць зыходнік]Насельніцтва на 1 студзеня 2010 года склала 9397 чалавек[1]. Плошча края займае 948,8 км²[2].
Нацыянальны склад
[правіць | правіць зыходнік]Нацыянальны склад насельніцтва края па выніках перапісу насельніцтва Латвіі 2011 года размеркаваны такім чынам[3]:
| Нацыянальнасць | Колькасць, чал. (2011) |
% |
|---|---|---|
| Латышы | 5314 | 64,13 % |
| Рускія | 1985 | 23,96 % |
| Беларусы | 567 | 6,84 % |
| Украінцы | 75 | 0,91 % |
| Палякі | 266 | 3,21 % |
| Літоўцы | 23 | 0,28 % |
| Іншыя | 56 | 0,68 % |
| усяго | 8286 | 100,00 % |
Тэрытарыяльны падзел
[правіць | правіць зыходнік]- горад Дагда (лат.: Dagdas pilsēta)
- Андрупэнская воласць (лат.: Andrupenes pagasts)
- Андзэльская воласць (лат.: Andzeļu pagasts)
- Асунская воласць (лат.: Asūnes pagasts)
- Бэрзінская воласць (лат.: Bērziņu pagasts)
- Дагдская воласць (лат.: Dagdas pagasts)
- Константынаўская воласць (лат.: Konstantinovas pagasts)
- Кепаўская воласць (лат.: Ķepovas pagasts)
- Сварынская воласць (лат.: Svariņu pagasts)
- Шкяўнская воласць (лат.: Šķaunes pagasts)
- Эзэрніекская воласць (лат.: Ezernieku pagasts)
Транспарт
[правіць | правіць зыходнік]Праз тэрыторыю адзінкі праходзяць аўтадарогі мясцовага ўзроўню, якія звязваюць Дагду з іншымі паселішчамі края, а таксама з навакольнымі краямі.
Зноскі
- ↑ Колькасць насельніцтва ў самакіраваннях на 01.01.2010 (лат.)(недаступная спасылка). Упраўленне па справах грамадзянства і міграцыі (23 студзеня 2010). Архівавана з першакрыніцы 26 красавіка 2012.
- ↑ Адміністрацыйны падзел Латвіі (лат.)(недаступная спасылка). Міністэрства па справах рэгіянальнага развіцця і самакіраванняў. Архівавана з першакрыніцы 26 красавіка 2012.
- ↑ Насельніцтва Латвіі паводле перапісу насельніцтвы 2011
Спасылкі
[правіць | правіць зыходнік]- Афіцыйны сайт Дагдскага края (лат.)
